Ծնողները որպես նկարիչ

Նկարելու համար հարկավոր է ներկեր, լավ միջավայր և տարբեր տեսակի վրձիններ: Երեխային դաստիրակելու համար հարկավոր են գիտելիքներ, արժեքներ, մեթոդներ, որոնցով պետք է փոխանցել երեխային գիտելիքներն ու արժեքները, նաև հարկավոր է լավ միջավայր, որտեղ երեխան կմեծանա: Ծնողները նկարիչներն են, երեխան նկարը, որը ծնողները պետք է նկարեն: Այդպիսով.

Նկարիչ=Ծնողներ
Ներկեր=գիտելիքներ, արժեքներ
Վրձիններ=Մեթոդներ

Ինչպես նկարել լավ նկար

Պետք է ունենալ շատ լավ վրձիններ ու կարևորն այն է, որ այդ լավ վրձինները շատ լինեն, շատ շատ լինեն, քանի որ ամեն ներկ իր վրձինով պետք է նկարվի: Ներկերը պետք է լինեն որակով, որպեսզի նկարելուց որոշ ժամանակ հետո նկարը այլ միջավայրում հայտնվելուց չփչանա: Ու նաև պետք է հիշել, որ միջավայրը որտեղ նկարում եք պետք է նաև ունենա այլ լավ նկարներ և գույներ, որովհետև նկարը գույներ է վերցնում նաև շրջապատում գտնվող այլ նկարներից ու նաև ինքնել է գույներ փոխանցում: Երբ նկարը ստացվի, այլևս չփորձեք ավելացնել այլ գույներ և պատկերներ, պարզապես պետք է նայել ձեր նկարին ու հպարտանալ, որ շատ լավ աշխատանք եք կատարել:

Սրանով ես ցանկանում էի ասել, որ երեխայի դաստիրակությունը նկարչության պես մի բան է և, որ ձեր երեխան ձեր նկարչության արդյունքն է: Եթե ցանկանում եք լավ նկար նկարել պետք է լավ նկարիչ լինել և եթե նկարն այնքան էլ լավ չի ստացվել ապա դեռ կարող եք ուղղումներ անել, քանի դեռ ժամկետը չի անցել նկարը աշխարհին հանձնելու համար:

10 ժամանակակից քանդակագործներ, որոնց արժե իմանալ:

6952734_000-was7522853-1_1000x625-644x403

1.Ջեֆ Քունս
Ուոլ Սթրիթում նախկին վաճառող Ջեֆ Քունսը ժամանակակից արվեստի ամենաղմկահարույց դեմքերից մեկն է: Այս հակասությունը պայմանավորված է նրանով, որ նա չի ստեղծում իր գործերը, փոխարենը ունի հարյուրից ավել օգնականների թիմ, ովքեր իրականացնում են հանճարեղ ստեղծագործողի գաղափարները: Նա նաև իր սերնդի ամենաթանկ արտիստներից է:
Gober-ft-644x429
2.Ռոբերտ Գոբեր
Ամերիկացի արտիստ Ռոբերտ Գոբերը խաղում է ամենօրյա իրերի հետ: Նրա հաճախ անհանգստացնող քանդակները աղավաղում են նորմալ առարկաները, արդյունքում ստացվում են պատից դուրս եկող ոտքեր կամ կրծքերով կրպակներ: Գոբերի հետազոտությունների ու պրակտիկայի հիմքում մարդու մարմինն է:

methode2Ftimes2Fprod2Fweb2Fbin2Ff352713a-52c2-11e8-b178-bc31026aef36-644x362

3.Անտոնի Գորմլեյ
Անտոնի Գորմլեյ, Բրիտանացի քանդակագործ, ով ևս ոգեշնչված է մարմնից, ժամանակի ու տարածության հարաբերությունից: Գորմլեյը անգամ օգտագործում է իր սեփական մարմինը նմուշներ ստեղծելու համար, որոնք հետագայում կազմվում են խորանարդներից և երկրաչափական մարմիններից: Այս աշխատանքների օրինակները կարող եք գտնել Թադեոս Ռոփաք պատկերասրահի մոտ, որը նրան է ներկայացնում:
paigebradley_24324342_large-644x476
4. Փեյջ Բրեդլի
Բրոնզի մասնագետ Պեյջ Բրեդլին մարդու կազմվածքը պատկերում է հետաքրքրաշարժ ձևերով: Նրա ամենահայտնի գործը ՝ «Ընդլայնում», պատկերում է խաչաձև ոտքերով մի կին, որը լույս է արձակում իր ճեղքված տեղերից:

255px-Hirst-Shark
5. Դամիեն Հիրթ
90-ականների սարսափելի հրաշագործ բրիտանացի Դեմիեն Հիրցը հայտնի է իր ահռելի և հետաքրքրաշարժ գործերով: Մահվան ֆիզիկական անհնարինությունը ինչ-որ մեկի կյանքի մտքում, պատկերում է մի շնաձուկ, որը պահպանվում է ֆորմալդեհիդի ապակե ամանում: Նրա արվեստը կենտրոնացած է տեղադրման և մոնումենտալ քանդակի շուրջ, որոնք հաճախ տարօրինակ և երբեմն հակասական են:

schutte-main-644x5486.Արտիստ և քանդակագործ Թոմաս Շյուտտեն հայտնի նկարիչ Գերհարդ Ռիչտերի աշակերտն էր: Ուժեղ ազդվելով Ռիչտերից, Շյուտտեն անցավ առաջատար գերմանական ժամանակակից քանդակի:

Louise Bourgeois

7. Լուիզ Բուրժուա
Ֆրանսիա-ամերիկացի քանդակագործ Լուիզ Բուրժուան ամբողջ աշխարհում հայտնի է իր հայտնի հսկա սարդերով: Անգամ 2010-ին նրա մահից հետո, նրա սարդերը դեռ կարելի է տեսնել մի քանի վայրերում, որտեղ խոշոր սև սարդերըը խորհրդանշում են նրա մորը: Նրա ստեղծագործություններում աչքի են ընկնում ընտանիքի, հիշողության և մանկության թեմաները:

Paul McCarthy
8. Փոլ Մաքքարթին
Ամերիկացի նկարիչ և քանդակագործ Փոլ Մաքքարտին առավել հայտնի է իր խիստ հակասական գործերով: Նա առանձնապես զայրացած թողեց բնակիչներին, երբ նա կանգնեցրեց իր սադրիչ արձանը ՝ Ծառատունկ, Փարիզի Վենդեմե տեղում:

Jaume Plensa
9.Ժաում Պլենսա
Իսպանացի քանդակագործ Ժաում Պլենսան ցուցադրվում է բազմաթիվ միջազգային թանգարաններում: Նա ոչ միայն շահեց հեղինակավոր Vélazquez մրցանակը, այլև դասավանդում է ինչպես Փարիզի Բեյ-Արվեստի դպրոցում, այնպես էլ Չիկագոյի արվեստի դպրոցում: Նրա աշխատանքը հիմնականում բաղկացած է լայնամասշտաբ դեմքերից և մարդկանց կազմվածքներից տեղադրված հասարակական վայրերում:

Joana Vasconcelos

10. Ժոանա Վասկոնելոս
Պորտուգալացի նկարիչ և քանդակագործ Ժոանա Վասկոնսելոսը ստեղծում է մոնումենտալ գործեր, որոնք պատրաստված են ամենօրյա առարկաներից: Նրա աղբյուրները տատանվում են ամաններից, հյուսվածքներից և հայելիներից: Նրա, մասնավորապես, տնային առարկաները կասկածի տակ են դնում հայրապետական հասարակության մեջ կանանց դերը `թույլ տալով նրան ստեղծել ներգրավված և ֆեմինիստական գործեր:

 

Թարգմանված այստեղից.

Խորխե Բուկայ «Երկնքի դարպասների մոտ»

«Երկնքի դարպասների մոտ»

Ի՞նչ է մեղքը
Պատմության մեջ հավաքված էին «մեղք» «ապաշխարում» «սուրբ» «ներում» գաղափարները : «Մեղք»-ը այս պատմության հիմնական հատվածն էր.
«Իմ կարծիքով մեղքը գործողությունն է, որը վնասում է մեր շրջապատին, այն գործողությունն է, որը խախտում է բարոյական արժեհամակարգի կանոնները: Մեղքերը նաև ինքներս մեզ վնասող գործողություններն են: Մարդիկ ներվում են այն ժամանակ, երբ ընդունում են և զղջում են գործած մեղքի համար: Ներողները այդ մարդու շրջապատն են, Աստված և հենց ինքը: Մարդը ապաշխարում է այն պահից սկսած, երբ գիտակցում է , որ իր արածը մեղք էր, միայն ապաշխարելուց հետո մարդը կգտնի իր խղճի հանգստությունը»:

Հիասթափեցնող տողեր․
Պատմվածքում հատված կար, որը հիասթափեցնող էր.«Երրորդ խումբը, որը մեր կարծիքով ամենամեծաքանակը կլինի, կկազմեն նրանք, ովքեր իրենց կյանքի ընթացքում երբևէ որևէ պատվիրան չեն խախտել»:

Պետրոս առաքյալը հույս ուներ, որ երկրում մարդիկ կապրեին մաքուր ու արդար, քանի որ դա էին տարածում մարդկանց մեջ, և բոլորն ընդունում էին այդ խոսքը, բայց  մարդիկ առաքյալի հույսերը չարդարացրին, և դա ինձ համար հիասթափեցնող է, որովհետև մենք բոլորս համարում ենք մեզ քրիստոնյա, բայց չենք ապրում  այն գաղափարով, որը քրիստոնեությունն է տարածում, մենք մեղքեր ենք գործում և չենք ազատվում դրանցից, չնայած կարող ենք: Մենք Աստծո և ինքներս մեր հույսերը չենք արդարացնում և, իմ կարծիքով, դա ամենահիասթափեցնող բանն է, որ երբևէ լսել եմ:

«Շեֆի» հանձնարարականով
Հարց ծագեց ինձ մոտ, որն ուզում էի ուղղել Խորխե Բուկային` այս պատմվածքի «արարչին»: Ո՞վ է «Շեֆը»: Ժամանակակից իրականության մեջ արդեն շատ ենք շփոթում «շեֆ» և «առաջնորդ» բառերը, մոռանում ենք այդ բառերի տարբերության մասին: «Շեֆն» ասում է «ես», իսկ «առաջնորդը»՝ «մենք», «շեֆը» պարտադրում է, իսկ «առաջնորդը» մի վայրում է հավաքում բոլորի ցանկություններն ու գաղափարները: Խորխե Բուկային ուզում եմ հարցնել. «Ո՞վ է Շեֆը», արդյոք նա նկատի ուներ Աստծուն կամ առաքյալներից մեկի՞ն, եթե, այո՛, ապա ես հիասթափված եմ, որովհետև նրանցից ոչ ոք «շեֆ» չէ, այլ առաջնորդ:

Պատմվածքի սուրբը
Նա սո՞ւրբ էր, իսկ սրբերին արարքներո՞վ են դատում, թե՞ մտքերով: Կարծում եմ՝ պետք է մտքերով դատել, որովհետև շատ մարդիկ այդքան համարձակ չեն, որ գործեն, բայց շատ համարձակ են մտածելու համար, և հանցագործ մտքեր ունեցողը սուրբ չի կարող համարվել: Մարդկանց անհամարձակության պատճառը Աստծո հանդեպ վախն է, և կարծում եմ, որ Աստծուց վախենալով մեղք չգործելը, բայց մտածելը դրա մասին սխալ է և մեղք, որովհետև Աստված մեզ սեր է տալիս, հնարավորություններ և ուժ և  պատճառ չկա վախենալու, ընդհակառակը, պետք է սիրել և հետևել կրոնի տարածած գաղափարներին:

Ես հասկացա…
Հասկացա, որ մեղքերն աններելի չեն,և ավելի լավ է գործել, հետո զղջալ և շարունակել ավելի մաքուր, բայց ավելի փորձված կյանքը, քան ամբողջ կյանքում լինել անհամարձակ և հանցագործ մտքերով: Հասկացա, որ պետք է Աստծուն սիրել, և քանի որ սիրում ենք ` չհիասթափեցնել:

Ճամփորդություն դեպի Տաթևի վանք

google map

Ուզում եմ ճամփորդել, թիրախս Տաթևի վանքն է:

Մինչ ճամփա ընկնելը պետք է վանքի պատմությունն իմանամ: Այդպիսով փորփրեցի տեղեկատվական կայքերը և իմացա Տաթևի վանքի մասին հետևյալը.

Տաթևի վանքը միջնադարյան վանական համալիր է Հայաստանում։ Գտնվում է Սյունիքի մարզի Տաթև գյուղի հարավում՝ Որոտան գետի վտակի ձորի աջափնյա եզերքին։
Տաթևի վանքի անվան հետ կապված կա երկու տարբերակ։ Դրանցից մեկի համաձայն, «Տաթև» անունը ծագում է հայերեն «տա թև» արտահայտությունից։
Կառուցումն ավարտելուց հետո, քարագործ Վարպետը, դիմելով ցածրում գտնվող բանվորներին, երկու տաշեղ է պահանջում։ Ստանալով տաշեղները վարպետը համբուրում է դրանք և ասում՝ «Հոգին սուրբ տա թև»։ Խոսքը բերանին, նրա ուսերին թևեր են բուսնում։ Վարպետը թռչում, գնում է անհայտ ուղղությամբ։ Բանվորներն առանց վարպետի չեն կարողանում հանել վանքի փայտյա սկալաները։ Ժամանակ անց, լսելով, որ նա Պոլսում է գտնվում, վանքի շրջակայքի բնակիչները մարդ են ուղարկում վարպետի մոտ և խնդրում, որ նա գա հանի վանքի սկալաները։ Սակայն վարպետը չի վերադառնում։ Միայն հայտնում է հանելու եղանակը։ Վարպետի ասած խոսքից «Հոգին սուրբ տա թև» վանքը կոչվում է Տաթև։
Երկորրդ տարբերակի համաձայն՝ վանքը կոչվել է Թադեոս առաքյալի աշակերտ Եվստաթեոսի անունով։ Նա այս վայրերում տանջամահ է եղել, իսկ 4-րդ դարում իր գերեզմանի վրա կառուցվել է եկեղեցի, որն օծել է սուրբ Գրիգոր Լուսավորիչը։ Բերդի պարիսպների ետևում պահպանվել են եկեղեցու ավերակները, որոնք հեռու չեն Տաթևի վանքին։
Տաթևի համալիրը մեծ տարածություն է գրավում։ Տաթև և Որոտան գետերի կիրճերի միջև եռանկյունաձև ձգվում է ժայռեղեն մի թերակղզի, որի վրա կառուցված է վանքը։ Զառիթափ ժայռերի բարձրությունը հասնում է 700-800 մետրի։ Մյուս կողմերից վանքը շրջապատված է աշտարակներով և հաստ պարսպապատերով՝ լուսամուտների նեղ բացվածքներով։ Համալիրը ներկայացնում են պարսպատերերը, ձիթհանը, սուրբ Պողոս-Պետրոս տաճարը, սուրբ Աստվածածին մատուռ-եկեղեցին, սուրբ Գրիգոր եկեղեցին, սուրբ Գրիգոր Տաթևացու դամբարանը, «Գավազան» հուշարձանը, սեղանատունը, դասասենյակները, մատենադարանը, ուխտագնացների հյուրատունը, բնակելի տարածքները, խոհանոցը, բազմաթիվ ծառայողական շինությունները և վանական խցերը։

Այժմ բացահայտենք Տաթևի թաքնված կողմը` Տաթևի Անապատը

Տաթևի Մեծ Անապատը ուշ միջնադարի արժեքավոր համալիրներից է։ Այն ռազմական նշանակություն է ունեցել XVIII դարում` Դավիթ Բեկի կազմակերպած ազատագրական պայքարի ժամանակ։

17-րդ դարի կրոնական և ուսումնական կենտրոնը գտնվում էր Որոտանի ձորում, Տաթև գյուղի մոտակայքում (Սյունիքի մարզ)։ Ստեղծման առիթը նույն ձորում, դեպի հարավ գտնվող Հարանց անապատի կործանումն էր, որից հետո միաբանությունը 1660 թվականին տեղափոխվել է նոր վայր և կառուցել Մեծ Անապատը։ Տեղանքի ոչ մեծ թեքությունը հնարավորություն է տվել համալիրն իրականացնել կանոնավոր հատակագծով։ Շրջապատված է բարձր ուղղանկյուն պարիսպներով։ Անապատի հարավարևմտյան մասում սրբատաշ բազալտից շինված Ս. Աստվածածին եռանավ բազիլիկն է (1663 թ.), որին արևմուտքից կից է գավիթ-սրահը (կառուցել է Մելիք Եգանը, 1743 թ.-ին), հյուսիսից՝ գմբեթավոր փոքր մատուռ-դամբարանը (որտեղ հավանաբար թաղված է 1669 թ.-ին մահացած անապատի հիմնադիր Արիստակես վարդապետը)։ Եկեղեցուց արևելք գտնվում են աղբյուրը և այժմ կիսաքանդ շենքերը, դեպի հարավ՝ սեղանատունը խոհանոցով, արևմտյան և հյուսիսային պարիսպներին կից՝ բնակելի խցերը։ Բակում կանգուն է բնակելի սենյակների մի այլ խումբ՝ L-աձև ընդհանուր հատակագծով։ Հարավային կողմում սեղանաձև հատակագծով օժանդակ մասն է։

Տեղեկությունները  հավաքելուց հետո պետք է քարտեզ կազմել, իմանալ ինչքան ժամանակ է պահանջվում այնտեղ հասնելու համար և ճանապարհին ինչ խոչընդոտների կհանդիպես.

google map

Երևանից Տաթև 247 կիլոմետր է և այնտեղ հասնելու համար 4 ժամ և երեք րոպե է պետք, փոխադրման միջոցը` մարդատար մեքենա: Իսկ Տաթևի անապատ հասնելու ճանապարհն այնքան էլ հեշտ չէ, այնտեղ գնում են միայն դիմացկուն մարդիկ: Տաթևի վանքից դեպի անապատ կարելի է հասնել զառիթափ ոլորանով: Որպեսզի տեսնեք արգելված վայրը, պետք է երեք ժամ ոտքով իջնեք կիրճ և նույնքան էլ բարձրանալ: Բայց այստեղ անպայման ճանապարհն իմացող մեկի հետ գնացեք, որովհետև ճանապարհին կարող եք հանդիպել օձերի,կարիճների և այլ անհարմարությունների:Безымянный

Այստեղ Ձեզ սպասվում է հետաքրքիր հանդիպում Անապատի միակ բնակիչ, վանական Հակոբի հետ, ով ապրում է կիսաքանդ վանքում և շատ ուրախ է հյուրերի հանդիպել: Զարմանալի խորության տեր մարդ,ով ձեզ շատ համեղ հաց կհյուրասիրի, երբեմնի աշխարհիկ կյանքում նա հացթուխ է եղել: Տաթևի Մեծ անապատը ստորգետնյա թունելով կապված է Տաթևի վանական համալիրի հետ, որն հանդիսանում է Հայաստանի գլխավոր տուրիստական այցեքարտերից մեկը: Բայց թունելը խցանված է քարերով:Безымянный

Սա ծանոթություն էր իրական ճամփորդությանը, բայց այժմ մենք չենք կարող անգամ դրսում ազատ զբոսնել, ուր մնաց ճամփորդենք, այդպիսով օգնության է գալիս համացանցը և google map-ը, իսկ ինչպե՞ս:

Նախ պետք է համացանցում փնտրել բոլոր տեղեկությունները մեր ուզած վայրի մասին և հետո ճամփորդենք google map-ում

Безымянный5

Քարտեզը բացելուն պես աջ կողմի ներքևի մասում մի փոքրիկ դեղին մարդուկ կա, որին սեղմելով տանելով ու տեղադրելով մեր նշանակետի վրա կհայտնվեք այդ վայրում:

Безымянный9

Ահա և օնլայն ճամփորդության հմտությունները: Բարի ճանապարհ.

Սերունդների տարբերություն

Սերունդների տարբերություն նախագիծ

Նախագծի շրջանակներում ուսումնասիրություններ կատարեցի, ավելի ուշադիր դիտեցի իմ և իմ ընտանիքի հարաբերությունները, ահա արդյունքը:

Մայր և աղջիկ
Իմ և մայրիկիս տարիքային տարբերությունը 29 տարի է: Թվում է, որ սերունդների բախում հաճախ է տեղի ունենում, բայց դա այնքան էլ այդպես չէ: Ես ուսումնասիրող ու նոր բաներ փնտրող անձնավորություն եմ, մայրս նույնպես, նա նաև շատ լավ կարողանում եմ մտնել դիմացինի դրության մեջ: Մենք ունենք տարբեր հետաքրքրություններ, կարծում եմ մեր տանը անհամաձայնությունները այդ պատճառով են լինում: Սովորաբար մայրիկիս հետ անհամաձայնություններ եմ ունենում հագուստի և սննդի վերաբերյալ: Ես ունեմ ուրիշ ոճ, մայրս ուրիշ ու երբեմն համաձայնության չենք գալիս հագուստի հարցում: Չկան շատ ուտելիքներ, որոնք սիրում եմ,այդպիսով երբեմն դրա շուրջ ևս անհամաձայնություններ են լինում: Մենք երբեմն փոքրիկ վեճեր ենք ունենում իմ պահվածքի վերաբերյալ: Մենք հաճախ ենք զրուցում, եթե մի բան սխալ եմ անում մայրս զրուցում է այդ մասին ինձ հետ, ու ամեն ինչ հարթ է ընթանում, կարծես մեր տանը սերունդների բախում հաճախ չի լինում:

Տատ և թոռ
Տատիկիս և իմ տարիքային տարբերությունը ավելի քան քառասուն տարի է, կարելի է ասել լրիվ տարբեր ժամանակաշրջաններում ենք ծնվել ու մեծացել: Իսկ իրականում մեր ընտանիքում տարիքը կապ չունի, մենք բոլորս ահագին ժամանակակից ենք, գուցե տատիկս հեռախոսներից գլուխ չի հանում, բայց մտածելակերպը դառնում է ժամանակակից և մեր տանը գնալով ավելի քիչ վեճեր են լինում կենցաղի վերաբերյալ: Առաջ տատիկիս հետ շատ էի բանավիճում կենցաղի վերաբերյալ, իսկ այժմ դրանք քչացել են: Ես ու տատիկս ունենք բնականաբար շատ տարբեր հետաքրքրություններ: Նա սիրում է հեռուստացույցով սերիալներ նայել, իսկ ես ֆիլմեր, մուլտֆիլմեր, իսկ իրականում մենք դրանք միասին ենք նայում, ես իր հետ նստում սերիալի հերոսներին եմ քննարկում, հետո ինքն ինձ հետ նստում ու մուլտֆիլմ նայելով ծիծաղում է: Կարելի է ասել ես տանը բոլորի հետ կարողանում եմ հաշտ հարաբերություններ ստեղծել իրենց հետաքրքրությունները յուրացնելով:

Քույրեր
Քույրս ինձնից տասը տարով մեծ է: Երևի մեր տանը ամենաշատը վեճեր ունենում եմ քրոջս հետ: Կարծում եմ բոլոր քույրերն էլ ունենում են վեճեր: Մենք հիմնականում վիճում ենք, որովհետև ես գողացա իր հագուստը, իսկ ինքը իմ սեղանը, բայց մենք լուրջ վեճեր չենք ունեցել: Քույրս միակն է ում հետ ոչ մի հետաքրքրություն չեմ կարողանում կիսել, չնայած շատ նման ենք, նման ենք արտաքինով, մազերով ու հեռախոսի մեջ ժամանակ անցկացնելով: Քրոջս հետ շատ եմ կատակներ անում, երևի շատ եմ նյարդայնացնում, որովհետև մեր վեճերի պատճառներից մեկը դա է:

Հայր և աղջիկ
Հորս հետ հարաբերությունները ամենախաղաղն են մեր տանը: Քանի որ աշխատանքի է լինում շատ չենք շփվում, բայց երբ տանն է միասին  խոսում ենք  ու ծիծաղում, երբեմն քաղաքական դեպքերն ենք քննարկում: Բայց հայրիկիս հետաքրքրությունները շատ չեմ կիսում, այդ պատճառով իր հետ շփումն ավելի քիչ է քան մյուսների հետ շփումը:

Մեր ընտանիքում հինգ անդամ ենք, չորս սերունդներ, տարբեր սովորույթներ, բայց մենք մեծ մասամբ խաղաղ ենք անցկանցնում մեր ժամանակը: Շատ բաներ կան, որոնք բոլորիս մի վայրում են հավաքում, և մենք բոլորս կիսում ենք այդ բաները, օրինակ` տունը, մեր այգին, մեկ էլ խաղերը,որոնք խաղում էին 90-ականներին, բայց մեր տանը դրանք չեն հնանում, այդպես համել իմանում եմ մեծերի ապրած կյանքի մասին:

Ես կարողանում եմ…

2019-2020 ուսումնական տարին ավարտվում է ու ժամանակն է ամփոփել այս տարվա ընթացքում ձեռք բերած կարողությունները: Ուսումնական առաջին շրջանում մենք պայքարում էինք առանց ճաղերի բնակավայր ունենալու համար, մենք ունեյինք ազատություն և ուզում էինք, որ մյուսներն էլ ունենան, մենք զարգացրինք պայքարելու կարողությունը, մենք շատ մտածեցինք այն մարդկանց մասին, ովքեր իրենք իրենց ազատությունը սահմանափակում էին, մենք շատ գրեցինք այդ մասին, մենք զարգացրինք իրավիճակները վերլուծելու կարողությունը: Ուսումնական երրորդ վերջին շրջանում անսպասելիորեն չկարողացանք դպրոց գնալ, այդ պատճառով դասերը օնլայն կազմակերպեցինք: Այդ ընթացքում շատ բան սովորեցինք, շատ բան հասկացանք, օրինակ սովորեցինք օգտվել microsoft teams մեդիահարթակից, սովորերցինք ինքնակրթվել, նաև շատ ժամանակ ունեցանք մտածելու ու մտքերը կարգի բերելու համար: Այդ օրերը նաև մեզ սովորեցրին բնությանն ու մարդկությանը ավելի լավ վերաբերվել: Մենք նաև շատ աշխատանքներ արեցինք (աշխատանքների ամփոփումն` այստեղ), որոնք ևս զարգացրեցին մեզ: Ուսումնական տարին ավարտվում է և մենք այն ավարտում ենք նոր կարողություններով…

Մայիսյան հավաք

2019-2020 ուսումնական տարին ավարտվում է և պետք է ամփոփել կատարած աշխատանքները և այն ձեռքբերումները որոնք ունեցել ենք այս տարվա ընթացքում: (Աշխատանքների ամփոփումն` այստեղ🙂 Ձեռքբերումներս շատ էին, նոր հմտություններ զարգացրի, մտածելակերպիս մեջ որոշ բաներ փոխվեց: Ուսումնական առաջին շրջանում պայքարեցինք առանց ճաղերի բնակավայր ունենալու համար, այդ օրերին շատ մտածեցի մարդկանց մասին, շատ մտածեցի այն մասին թե ինչու են շատ մարդիկ փախչում կամ թաքնվում ազատությունից և հասկացա,որ ազատությունը մարդկանց համար մի մեծ օվկիանոս է ու իրենք լողալ չգիտեն, այդ պատճառով էլ վախենում են բացել դարպասները, որովհետև մտածում են, որ օվկիանոսը կխեղդի իրենց: Ուսումնական երրորդ շրջանը այնքան էլ լավ չանցկացրինք, վիրուսը խանգարեց, բայց նաև հնարավորություն տվեց մի նոր փորձություն հաղթահարել ու զարգանալ: Ինքնամեկուսացումը շատ բան տվեց ինձ, ես ինքնակրթվեցի, նոր մեդիահարթակների հետ ծանոթացա և  մտքերս կարգի բերելու ժամանակ ունեցա: Մեկուսացած օրերին ավելի շատ ժամանակ տրամադրեցինք մեր այգուն, հիմա ամեն օր դուրս եմ գալիս, նստում եմ մեր կանաչապատ այգում և վայելում եմ բնությունը, այդպիսով և պահպանում եմ տանից դուրս չգալու կանոնը , և չեմ ձանձրանում: Ուսումնական տարին ավարտվում է, դպրոցական պատմությանս մի էջ ևս գրվեց, մնաց երկու էջ…

Հավաքից-հավաք

Վերլուծություններ
 Իլիաս Վենեզիսի Ճայերը
Վիլյամ Սարոյան: ԸՆԿԵՐՆԵՐԻ ՄԵՂՔՈՎ
 Ավետիք Իսահակյան «Լիլիթը»
Տղան Քրիստոսի տոնածառի հանդեսին»
«Վերջին ուսուցիչը»
«Մանուշակներ ամեն չորեքշաբթի»
«
Ֆիզիկական ներկայությունը հեռավար ուսուցման հարթակում »
«Օսկարը և վարդագույն խալաթով տիկինը »
Կղզի մուտֆիլմի դիտում, վերլուծություն
Տուն ֆիլմի դիտում, վերլուծություն

Օրեր
 Կոմիտասյան օրերը,
Տերյանական,
Թումանյանական
Չարենցյան
Սահյանական օրեր

Ուսումնասիրություններ
 Հայ հին վիպաշխարհը
Ինչպիսին կլիներ կյանքը, եթե չլիներ ինտերնետ
Մեր ուղեղի տարօրինակությունները
Ռոբին Շարմա, Կյանքի 200 դաս
Շրջակա միջավայրի աղտոտման պատճառները

Նախագծեր
«Իմ ժամանակակիցը»
«Նախշուն աշուն»
«Մի նկարի պատմություն»
Էներգետիկ ռեսուրսներ։ նախագիծ
Նախագիծ《Հայաստանի կատրվող ողնաշարը》
《Թաքնված տաղանդների բացահայտում》նախագիծ
《Սասնա Ծռեր》դյուցազնավեպ

Ստեղծագործական աշխատանքներ
«Մեկուսացումն ինքդ քեզ հետ հաղորդակցվելու նոր ձև»
«Սթափվեք մարդիկ…»

Ինքնամեկուսացման իմ առօրյան

Գարունը իմ աշխարհում
Բնակավայր առանց ճաղերի
«Ձյունը՝հրաշքը»,
«Ուշանալուս մասին»
«Երազանքներն ինչպես քամուց ծածանվող լվացք…»

《Սասունցի Դավիթ》 մուլտֆիլմը

《Սասունցի Դավիթ》 մուլտֆիլմը 《Սասնա Ծռեր》էպոսի անիմացիոն տարբերակն է։ Իմ կարծիքով հայկական մուլտարտադրության հաջողված գործերից մեկն է։ 《Սասնա Ծռեր》էպոսը ամբողջությամբ արտահայտում է հայ ժողովրդի զորությունն ու քաջությունը, հայի գենի փոխանցումը սերնդեսերունդ և հայի համառությունն ու կամքի ուժը։ Քանի որ սերունդները փոխվում են և երեխաներն էլ նույնպես փոխվում են, նրանց իսկական հայի կերպարը ցույց տալու լավագույն միջոցը 《Սասունցի Դավիթ》մուլտֆիլմն է։ Մուլտֆիլմը շատ լավ է նկարված, հերոսների պատկերները և հնչյունավորումը շատ համապատասխան է ընտրված, օրինակ՝ Սասունցի Դավթի կերպարը, խարտյաշ մազեր, խոշոր աչքեր, սուր դիմագծեր, իսկ ձայնը…։ Մուլտֆիլմում էպոսից միայն երեք ճյուղեր են ներկայացված, հիմնականում Սասունցի Դավթի մասն է ներկայացված։ Դավթի մանկությունը, մեծանալը, հզորանալը, հաղթելը, ամբողջը մանրամասն նկարված է մուլտֆիլմում։ Մուլտֆիլմը նայելուց ոգեշնչվեցի, հասկացա, որ Սասունցի Դավթի նման համառ պետք է լինեմ ու քաջ։ Կարծում եմ մուլտֆիլմը պետք է նայեն վեց կամ յոթ տարեկանից բարձր երեխաները, քանի որ ավելի փոքրերը չեն հասկանա և գուցե վախենան, իսկ պատանիներն ու դեռահասները միանշանակ պետք է նայեն, որովհետև սա ցույց է տալիս թե ինչպես են հաղթում Հայերը։ Շնորհակալություն այս մուլտֆիլմը ստեղծողներին, իսկ ձեզ մաղթում եմ բարի դիտում, եթե անգամ արդեն դիտել եք, ևս մեկ անգամ վերադիտելը չի խանգարի, ընդհակառակը, գեղեցիկ հիշողություններ կբերի։